虽然自封为节衣缩食偷呃拐骗都要买衫嘅“（番禺）潮流教父”兼“爱衫之人”，但系讲真，我直到今年先真正知道米兰时装周同巴黎时装周系几时开始，系呢度要先多谢www.fashiontrenddigest.com嘅同步更新，令到我虽然唔可以好似WYMAN咁亲身到访但系都叫做“一齐”睇个吓D衫。当然就算FTD几快，gq.com.tw几全都好，WYMAN为MILK志写嘅巴黎时装周专稿都系无法取代一定要睇哪怕过咗成个月！

不过，我系度并非想讲个我对个周嘅评论或者WYMAN对个周嘅评论我有咩评论，而系WYMAN系个稿里面嘅一张相令到我突然有感而发导致非发不可——

此乃LOUIS VUITTON个SHOW里面MARC JACOBS出嚟谢幕果张……

哗，做咩会有个MODEL出嚟扮MJ咖？睇真D再结合上下文，比较迟钝嘅我先发现呢个惊人嘅发现——原来MJ减咗肥（此处迟钝系想表达1.其实佢06年就已经减紧肥，2.我系差唔多睇完篇嘢先醒起）！系睇佢减肥成功嘅相之前，我地先回顾一下佢嘅经典造型

嗱，就系佢啦，佢就系MJ，系减肥之前每次出现都例牌嘅蓬松孪毛长发+大大副近视眼镜+肥腾腾身材造型！

所以，正当我陈旧嘅记忆中撞上崭新嘅佢嘅时候，我有种母体程序出错嘅感觉

各位观众，噔噔噔噔，THE BRAND NEW MJ！

完全系士别三日，刮目相看嘅经典案例（比较可惜系揾唔倒LV 08 S/S SHOW里面MJ出嚟谢幕张相）。如果仲未够震撼，仲有呢张
（前面果个系MJ，未剪发前）

你觉得沅绍祥（音译）同埋TVB5虎之一果个唔记得叫咩名嘅人果d叫减肥咩？唔该反省吓。幸好MARC JACOBS或者LV无开一条减肥嘅LINE，唔系，我唸修身堂会瞬间执笠。

望住张相，我顿时觉得减肥嘅魔力实在太大，令到我每晚蠢蠢欲动想食宵夜嘅心即刻坚定起来！无理由MARC哥几十岁人都减倒，我青春少艾减唔倒咖系咪先。因此，已经无咗偶像好多年嘅我终于揾到精神支柱，佢就系"MJ"，为咗表示我对佢嘅尊敬，我决定我嘅第一件LUXURY ITEM就属于你——MARC JACOBS！

讲咗咁多嘢，其实又唔系代表巴黎时装周无嘢到嘅，就讲LV，其中一下呢套衫都颇得我喜爱
 (SMART CASUAL中带点色彩一向系我至爱）

然后，（川久保）玲姐嘅COMME des GARCONS HOMME PLUS嘅3合1概念都比咗我一个启示 

我决定会系呢个F/W里面提前贯彻执行玲姐嘅理念，如果你今个冬天系街度见倒个人着住三件西装偻，BILL晒大汗咁款，唔使惊，过嚟同我SAY声HI，暗号系：傻嘅咩你！