轰浪's profile左声道BlogListsGuestbookMore  |  Tools Help |
|
April 19 好明天啊唔知有几多人会记得呢句话，不过我相信100% 80后（我知呢个词好滥，但系用20几岁又好行）嘅人都会记得呢句话嘅出处——来自西门子唸到无嘢好唸，以为可以用佢杀出一条血路嘅手机子品牌xelibri嘅一系列广告。
当年个广告毫无疑问话题性十足，红咗个广告，红咗首背景音乐（Azzido Da Bass - Dooms Night (Timo Maas Remix)，红咗句slogan，可惜就系无人记得呢个广告想讲嘅系果4部骑呢怪般嘅手机“xelibri”。不过其实可以带比大家一个集体回忆，呢小小失败又算得系咩啊！
就好似咁多年后嘅今日我睇见晴空万里会记得“好明天啊”呢句话，其实西门子都应该死得瞑目了！
好恐怖啊！
已经两个月无写到嘢，我唔想认我懒，于是唯有怪美其名曰升级了的live spaces实太过不稳定。我相信众spacer都有过突然间灵感涌现嗱嗱临冲上space唸住即席挥毫，点知佢竟然话“该空间暂时不可用”或者干脆打唔开添。我属于果种唔处于特定环境就做唔倒特定嘅嘢果种人，好似写blog咁，唔去到个blog，又点叫写blog，又点会有写blog嘅心情呢。如是者，一而再再而三，我都就嚟唔记得我自己有个blog了。
不过，幸好呢两日晴空万里，天气实在难得嘅好，所以我终于忍唔住要走上嚟抒发一下感情——
好明天啊~~
讲真，呢句嘢其实好无呢啦更，语法错误不单指，同部手机更加无乜关系，不过，简单四个字又有“好”又有“明”，积极向上简明扼要兼且容易发音。深吸一口气，“好”字一出已经感觉丹田有度气涌住上嚟，继而“明天”又恰到好处地bi住淡气无处发泄，终于“啊~~~~~~~~~”一声将全身静脉完全打通，煞是舒畅！
于是，用嚟宣泄2个月嚟无写到嘢嘅郁闷心情就真系啱晒
因此，籍住呢个难得嘅好天气，各位fan屎麻烦移玉步将个头伸出窗外，对住隔离楼个清洁阿婶大哎一声——
好明天啊~~~~~~~
ps.为了衬托这个好天气，于是我换了TRAVIS上两张专辑的一首轻快小品Flowers in The Windows。题外话是TRAVIS新专辑已经推出了哦 |
|
|
